Күн сайын (Ежедневно)«Ұлттық ойын – ұлт қазынасы» – білім алушылардың үзіліс кезіндегі бос уақытын ұлттық ойындар арқылы мазмұнды ұйымдастыру (асық ату, тоғызқұмалақ, бес тас және басқа да ойындар).
«Өнегелі 15 минут» – ата-аналардың баласымен күн сайын 15 минут бойы мінез-құлық, адамгершілік құндылықтар және тәрбие мәселелері туралы жеке әңгіме жүргізуі.
«Үнемді тұтыну» – су, тағам және энергия ресурстарын ұқыпты пайдалануға баулу, экологиялық жауапкершілікті қалыптастыру мақсатында жадынамалар, нұсқаулықтар мен ақпараттық парақшалар дайындау.
«Күй күмбірі» – қоңыраудың орнына күй әуенін қолдану, сондай-ақ үлкен үзілістерде ұлттық күй тыңдату.
Апта сайын (Еженедельно)«Менің Қазақстаным» – оқу аптасының алғашқы сабағында білім алушылар Қазақстан Республикасының Мемлекеттік Әнұранын орындайды.
«Аптаның дәйексөзі» – білім беру ұйымының оқу және тәрбие жұмысына бағыт беретін мақал-мәтелдер, халық даналығы мен белгілі тұлғалардың қанатты сөздерін пайдалану. Дәйексөздер ақпараттық стендтерге, LED-экрандарға, сынып тақталарына орналастырылады.
«Қауіпсіздік сабағы» – сынып сағаты аясында жол қозғалысы ережелері, өмір қауіпсіздігі негіздері, жеке қауіпсіздік және қауіпсіз мінез-құлық тақырыптары бойынша 10 минуттық ақпарат беру немесе әңгіме өткізу.
«Күй күмбірі» – қоңыраудың орнына күй әуенін қолдану және үлкен үзілістер кезінде күй тыңдату.